يقولون في زمان مو قديم وايد يعني في دوله عربية ان كان في عائلة تتصف بالجمال
كان يعني اي فرد من العائلة كان يتصف بالجمال الشديد .... وكانوا بعد يتصفون بالغرور ...
وفي يوم من الايام حلمت وحده من العائلة ان في طفل بشع كان يقولها انا ابن الشيطان راح انزل من بطنج يا امي !!
فخافت !! وقعدت من النوم مرعوبه !!! قام زوجها يهدي اعصابها وشربها ماي وقالها ترى هذا مجبد حلم وانشاء الله مافي الا الخير ... مرت الايام والام نست الحلم وصارت حامل وولدت الطفل بالشهر الثامن !!! راح المستشفى واولدت
لمن شافوه الدكاتره خافوا يقولون حق امه ان طفلج بشع لدرجه مو طبيعيه ليش انهم مشهورين بالجمال , فققروا يروح كبير الدكاترة يقولها الخبر وقالها ووراها ولدها وطاحت غشيانه من الصدمة وشافه ابوه خاف من شكل ولده !! وبعد فترة طلعت الام من المستشفى وخذت الولد معاها لان الولد ضاناها واهي اتعبت علشان اتييبه فخذوه البيت وبعد سنتين كبر الولد وكان بشع بصورة مو طبيعيه وشيطان يشاغب وايد ويكسر وكله يصارخ .... الام واابو ملوا الوضع ما يبون احد يدري ان هذا ولدهم واهم ناس يعني مشهورين بالجمال فاجتمعت العائلة وقرروا ان اييبون خادمة بشعه حيييييييييل علشان يقولون هذا ولد الخادمه الي تشتغل عندنا .... ودوروا على خادمة بشعه وبعد فترة لقو وحده كانت بشعه حييييل
خاف الابو لمن شافها قالها شسمج قالت انت اتسميني يا سيدي : جان يقولها انتي اسمج راح يكون حسينة ...
ويابوها البيت وتقريبا انحلت مشكله العائله ... ويوم بعد يوم كانت العائله تستقبل ضيوف بالبيت جان اتيي الخادمة وشايله الولد على ظهرها واهي اتقدم حق الضيوف شاي واهي رايحة كان الاصبي ينزل ويعض ريلها واهي اتصارخ جان الخدامة تمسكه من شعره حييل واتدوس على راسه جدام الكل !!! استغربت الام من فعلتها بس ما تقدر اتسوي شيء لان اهي قايله ان هذا ولد الخدامة , الكل استغرب من الموقف جان يقوم الولد يضحك ضحكة جنونيه جان الكل يضحك من باب الدعابه يعني .. جان يلحق الخدامه ومره ثانيه لمن كانوا قاعدين بالصاله جان يسمعون الخدامة اتصارخ بالمطبخ راحوا ولا الولد ماسك ايدها وحاطها على النار لتسخين الطعام " الجوله " استغربوا الناس !!!! اشلون ولد وام يسوون جذي مرت الايام الولد صار عمره 11 سنه طول هالسنين يسمعون صرخاات بالبيت وتعذيب الناس قاموا يخافون البيت .... الام فكرت ان الخدامه تاخذ الولد وتطلع من البيت , وبنفس اليوم كانوا اهل البيت معزومين بيت ناس وبس الخادمة والولد كانوا بالبيت
يه الولد عند الخادمة وعلى ويه ابتسامه شيطانيه جان يقولها ابيج اتسبحيني واتوكليني جان اتطالعه الخدامة وتضحك اتقوله يلا جان تاخذ معاها حوض اصغير يستخدمونه قبل للسباحة وحطت فيه بانزييين وكان الحوض متروس بانزين
وراحت عطت الولد اكل , لمن كله قال يلا سبحيني جان اتروح اتقوله خلني اشيلك اوديك جان اتشيله واتوديه واتقطه بالحوض الي متروس بانزين واتشب عود كبريت واتولع فيه وقام الوالد يصارخ من العذاب واهو يحاول يطلع جان تاخذ الخدامة بايب فولاذي وتكفخه عشان لا يتحرك وطل فيه واهو قاعد يحترق لين مات ... ولمن يوو الام والبو البيت شان يشوفون الخدامة ماسكة جثه الياهل محروقه واهو تبجي عليه جان يقولونلها اشصار منو هذاجان اتقول انا ولدكم وانا ذبحته جان تستغرب الام وبسرعه اخطرت على بالها فكره قالتلها في احد شافج وانتي تحرقينه ! قالت لا جان اتطالع ريلها الي اهو ابو الولد جان يفهمها جان يشيلونها ويروحون المكان الي احرقت فيه الولد وقطوها بالحوضوصبوح عليها بانزين والام تكفخها بالبايب جان يولعون فيها وبدت شبت النار فيها بس لاحظوا انها مو قاعده تحترق !! ....
جان اتقولهم يا بشر يا اغبيه اشلون تحرقون امير جهنم بالنار !! انا الشيطان والولد الي يبتوه كان ولدي !! مو ولد ريلج جان يحترق البيت فيهم كلهم ...... " اهني انا توقف افكاري ... هذي قصه انا مؤلفها وياريت تعجبكم وشكرا "